Bakı Dövlət Universiteti haqqında ümumi məlumat

Respublikada ali təhsilin bayraqdan olan Bakı Dövlət Univer-siteti Azərbaycanın ilk təhsil ocağıdır. Uzun və şərəfli yol keçən Universitet inkişaf edərək Yaxın və Orta Şərqin böyük elm və tədris mərkəzlərindən birinə çevrilmişdir. Universitetin yaradılması çox mürəkkəb siyasi və sosial-iqtisadi şəraitdə baş vermişdir. Lakin buna baxmayaraq müxtəlif qrupların və siniflərin mənafeyini müdafiə edən Azərbaycan ziyalı təbəqəsi universitetin yaradılması məsələsinə birmənalı yanaşmışdır. Bu ideyanı həyata keçir-mək uğrunda mübarizə aparmış ictimai xadimlərdən M.Ə.Rəsulzadə, F.Xan Xoyski, S.Ağamalıoğlu, M.A.Şaxtaxtinski və başqalarının adını iftixarla çəkmək olar.