Bu mövzu barədə qismən də olsa müəyyən bir fikir ortaya qoymaq üçün o dövrlərdə ərəb cəmiyyətlərində cərəyan edən tarixi, ictimai-siyasi proseslərə ötəri də olsa nəzər salmaq zərurəti qaçılmazdır. Çünki bəşəriyyətin inkişaf tarixindən bəllidir ki, hər bir millətin ədəbi düşüncə və təfəkkürü onun inkişaf tarixi boyu keçdiyi ictimai-siyasi inkişafı ilə üzvü surətdə bağlı olmuşdur və ictimai-siyasi təbəddülatları özündə əks etdirmişdir. Qədim və məşhur coğrafiyaşünas Starbon yazırdı ki, İtaliyanı hər tərəfdən dənizlər və şimaldan Alp dağları “etibarlı hasara” aldığı üçün bura yadelli işğallarına az məruz qalmışdır. Bu fikri Ərəbistan Yarımadasına da aid etmək olar. Bura da üç tərəfdən təbii su maneələri çox məhdud olan səhravari çöllərlə əhatə olunmuşdur. Ona görə də bu görə də bu bölgənin məhsuldar Misir, Suriya və Mesopotamiyaya nisbətən yadellilərin boyunduğu altına “düşməməsində” bəxti gətirmişdir.