Qloballaşma istilahı ilə dünya ölkələrinin siyasi, iqtisadi, ticari, hərbi, sosial-mədəni əlaqələr baxımından bir-birinə qovuşması, inteqrasiyasi nəzərdə tutulur. Qloballaşma fonunda planetimiz yer kürəsi kiçik bir kəndə, dünya ölkələri isə həmin kəndin evlərinə bənzədilir. Kənddəki evlərin, onların sakinlərinin bir-birindən təcrid olunmuş şəkildə mövcud olmaları, yaşamaları mümkün olmadığı kimi, dünya ölkələri də indi bir-birindən təcrid olunmuş şəkildə yaşaya bilməzlər.