Kommunikativləşmə prinsipinə əsaslanan xarici dillərin tədrisində müasir metodikasının yönümü (oriyentasiyası) dərs zamanı təlimnitq şəraitinin (TNŞ) geniş istifadəsini nəzərdə tutur. “Bu şərait şagirdə verilən kommunikativ tapşırığın düzgün yerinə yeridilməsi üçün mühüm və kifayət olan nitq şərtlərini özündə cəmləşdirir.” Aşağıdakılar verilən şərtlərə aid edilir: əsaslandırılmış -məqsəd amilləri, fəaliyyətin ümumi konteksti, müsahiblərin rolu və qarşılıqlı münasibətləri, onların sayı, söhbətin mövzusu, kommunikativ tapşırıqlar. Şərtlərdə aparılan dəyişik-liklər nitq fəaliyyətinə, onun məqsədinə, proqramına, aparılma qurulu-şuna öz təsirini göstərə bilər.