Bakı Dövlət Universiteti İlahiyyat fakültəsinin elmi məcmuəsi 2003-cü ildən nəşr olunmağa başlamışdır. İndiyə qədər məcmuənin iki sayı çapdan çıxmışdır. Məcmuədə nəşr olunan məqalələr əsasən İlahiyyat fakültəsində çalışan azərbaycanlı və türkiyəli mütəxəssislər tərəfindən hazırlanır. Lakin bu o demək deyildir ki, məcmuəmiz BDU-nun digər fakültələrinə, respublikanın başqa ali təhsil ocaqlarına, AMEA-da çalışan mütəxəssislərin üzünə bağlıdır. Biz redaksiya heyətinin məsləhət bildiyi, ixtisasımıza uyğun olan yüksək səviyyəli hər hansı bir yazını məcmuədə çap etməyə hazırıq.