1941-ci ildə Əli Bayramlı rayonunun Polad-Toğay kəndində anadan olmuşdur. 1958-ci ildə Əli Bayramlıda orta təhsilini başa vurmuşdur. 1963-cü ildə Azərbaycan Dövlət Universitetinin Şərqşünaslıq fakültəsinin ərəb şöbəsini bitirmişdir. 1962 1971-ci ilərdə Azərbaycan Radio və Televiziya Verilişləri Komitəsi ərəb redaksiyasının diktoru işləmişdir. 1971-1987-ci illərdə Azərbaycan Elmlər Akademiyası Şərqşünaslıq İnstitutunda kiçik elmi işçi, baş elmi işçi, şöbə müdiri vəzifələrində çalışmışdır. 1971-ci ildə tarix elmləri namizədi elmi dərəcəsini almışdır. İraqın müasir tarixinə və islam dini məsələlərinə dair bir monoqrafiyanın, otuzdan çox məqalənin, bir neçə əlyazmanın, habelə “Quran”m ərəbcədən tərcüməsinin müəllifidir. 1966-1967-ci illərdə Yəmən Ərəb Respublikasında, 1973-1977-ci və 1987-1992-ci illərdə İraq Respublikasında xidməti ezamiyyətdə olmuşdur. 1992-ci ildən Bakı Dövlət Universiteti İlahiyyat fakültəsinin baş müəllimidir.