Məlumdur ki, ərəb ləhcələri heç bir dillə müqayisə edilməyəcək qədər çoxsaylı və çox fərqlidir. Ərəblər ləhcələrdə fellərin fərqli modellərini yaratmışlar. Bu modellər ərəb ədəbi dilindəki fellərdən ya hərf əlavəsi, ya hərf əskikliyi, ya da hərəkə dəyişikliyi ilə fərqlənir. Bütün bunlara zaman keçdikcə ərəblərin başqa millətlərlə ünsiyyətdə olmaları da təsir göstərirdi: “Ləhcələr və onların öyrənilməsi üslubu”? əsərinə nəzər saldıqda görürük ki, iraqlıların tələffüz etdiyi felləri misirlilər başqa formada, livanlılar, suriyalılar və digərləri isə tamam başqa bir formada tələffüz edirlər.