Ömər bəylə çox qısa bir həmkarlığımız oldu; iki il. Amma bu müddətin daha başlanğıcından aramızda səmimi bir münasibət başladı. Bu yaxınlığın səbəbi heç şübhəsiz Ömər bəyin istiqanlılığıydı. Ömər bəy həqiqətən də çox səmimi bir insandır. Bunu onun həm gündəlik münasibətindən, həm də ən ciddi və problemli məsələlərə yanaşmasından görmək mümkündür. Məsələ nə qədər ciddi və həlli çətin görünsə də Ömər bəy ikili insani münasibəti hər zaman qoruyub saxlamağı bacarır. Ömər bəyin əsl üstün cəhəti bu mehribanlıqla yanaşı tələbkarlığını da əldən buraxmamasıdır. Fakültəmizdəki xidməti müddətində onun işinə nə qədər əhəmiyyət verdiyini hər kəs açıq görərdi.